Почна судењето на Хашим Тачи и четворицата обвинети за попречување на правдата и влијание врз сведоците

Почна судењето на Хашим Тачи и четворица други обвинети, Башким Смакај, Исниј Килај, Фадиље Фазљи и Хајредин Кучи, за попречување на правдата и влијание врз сведоци.

Според обвинението, во периодот од 12 април до 2 ноември 2023 година, за време на одделни посети на Тачи во притвор, тој им открил информации за сведоците на преостанатите тројца обвинети, им наредил да влијаат врз нив и дал детални упатства како да го сторат тоа.

Во обвинението се објаснува дека Тачи дал детални упатства за тоа како ќе сведочат сведоците; на пример, како му наложил на еден сведок да каже дека Адем Демаќи е водач на ОВК, или упатства на друг сведок дека ОВК немала овластување да започне или запре војна, дека е целосно неорганизирана.

Судењето почна со презентирање на општи информации за случајот и список на докази. Потоа следеа воведни зборови на обвинителството, додека адвокатите на одбраната се откажаа од своите воведни зборови во оваа фаза од постапката.

После тоа, ќе започне презентирањето на доказите и сослушувањето на првиот од тројцата сведоци на обвинителството.

Се очекува обвинителството да ја заврши доказната постапка до 13 март, додека продолжението на судењето по тој период сè уште не е закажано.