Вести
На Универзитетот во Тетово се одржа шестата јавна дебата за новиот предлог-закон за високо образование
Шестата јавна дебата за Предлог законот за високо образование и Предлог законот за обезбедување квалитет во високото образование се одржа денес со претставници на Универзитетот во Тетово и Универзитетот на Југоисточна Европа.
Пред академската заедница, министерката за образование и наука проф. д-р Весна Јаневска посочи дека основните начела и политиките кои се застапени во овие закони се меритократија, мерливост на квалитет, интернационализација и соработка меѓу универзитетите, дополнителна видливост на високообразовните установи и на наставниот кадар, погодности за студенти и можности за стекнување повисоки знаења.
Потенцираше дека дебатите со универзитетите се од голема важност за подобрување на квалитетот на законскиот пакет и дека секоја сугестија е добредојдена. Изрази благодарност до единиците на двата универзитета кои доставија свои предлози и како што рече, со должно внимание ќе бидат разгледани, а сите што се издржани ќе се интегрираат во новите законски решенија.
февруари 25, 2026
Собранието ја утврди потребата за носење на пакетот закони за намалување на платите на функционерите
Шпанија ќе забрани продажба на енергетски пијалаци на лица помлади од 16 години
Петрушевски: Тужбата за клевета нема да го испере Заев, денес никој не е над законот
