Вкусни пица мафини

Потребни состојки:

– 500 гр лиснато тесто

– 200 гр свински врат

– 2 домати

– 150 гр кашкавал

– оригано

– босилек

Начин на подготовка:

– На набрашнета работна површина ставете го лиснатото тесто и со сукало развлечете го во форма на правоаголник. Исечете го на 12 квадрати.

– Намастете го калапот за мафини и во секоја дупка ставете по едно парче тесто. Со прсти притиснете го убаво во калапот.

– На дното ставете од ситно сецканиот свински врат.

– Доматите измелете ги и исцедете ги. Ставете по 1-2 лажици на секое тесто во калапот. Посипете со оригано и босилек.

– Одозгора ставете од кашкавалот исецкан на мали коцки.

– Ставете ги да се печат во загреана рерна на 200 целзиусови степени додека да поруменат.

– Оставете ги да се изладат, извадете ги од калапот и послужете.