Засилени контроли на градилишта во Општина Аеродром, изречена казна од 1.300 евра за непочитување на законот

Општина Аеродром изрече парична глоба од илјада евра за правно лице и 300 евра за управителот на истата фирма поради прекршување на Законот за јавна чистота, информираше општината.

– Санкциите следат по извршена контрола, при што инспекциските служби утврдија дека од градилиште во непосредна близина на ПС Аеродром во Ново Лисиче во сообраќај се вклучувале возила со валкани гуми, со што директно се нарушува чистотата на животната средина и се прекршуваат законските одредби.
Општина Аеродром потсетува дека ваквите прекршоци се недозволиви и дека ќе се санкционираат строго и без исклучок – велатд општинските власти.

Оттаму додаваат дека во наредниот период, покрај редовните, ќе има и засилени контроли на сите активни градилишта.

– Контролите ќе бидат насочени кон тоа дали се почитуваат сите мерки за заштита на животната средина, дали се преземаат обврските за спречување на загадување, дали се одржува јавната чистота на градилиштата и дали се избегнува узурпација на јавните површини при градежните активности – се вели во соопштението.

Од општината упатија апел до сите правни и физички лица да ги почитуваат законите и прописите, затоа што само така можеме заеднички да обезбедиме чиста, здрава и безбедна средина за сите жители.