ВМРО-ДПМНЕ: СДС е упорна во предавството и рушењето на државните позиции, ако не помага, барем да не прави штета

Додека се обидуваат да создадат слика за „изолација“, во СДС целосно го игнорираат она што е суштината: Македонија конечно има јасна, државничка позиција дека нема повеќе отстапки без гаранции.

Ова е лекција научена од 30 години погрешна политика.

Не може секоја нова фаза од европскиот пат да значи ново понижување, нов услов, нова уцена.

Европа не е тоа.

Затоа денес позицијата е јасна: уставни измени без гаранции и предвидливост, нема да има.

Тоа што СДС го нарекува „блокада“, всушност е прв обид државата да постави правила во процес што со години беше еднострано диктиран.

А вистинската тема од која СДС бега е друга:

1. Зошто по толку „историски договори“ Македонија сè уште е заглавена?

2. Зошто нивната политика не донесе предвидлив европски пат?

3. Зошто граѓаните не видоа резултати?

Одговорот е непријатен за нив и затоа го избегнуваат.

Само Македонија е ставена во позиција да преговара за идентитетски прашања надвор од Копенхашките критериуми.

Само Македонија има процес што постојано се менува во тек.

Само Македонија нема јасна временска рамка.

И токму затоа се бараат гаранции. Не за политички поени, туку за државата.