ВМРО-ДПМНЕ: Димитријевиќ се сретнал Бранко Ружиќ, СДС и Филипче работат со српската опозиција додека партијата им стана минорна поради личните интереси на Заев и Башановиќ

СДС на чело со Филипче се повеќе се оддалечува од интересите на граѓаните и своето членство, а се става на располагање на странски политички агенди надвор од државата.

Генералниот секретар на СДС, Александар Саша Димитријевиќ, имал средба со српскиот опозиционер Бранко Ружиќ, поранешен министер за образование, кој дошол во Македонија со една цел а тоа е да оформи опозициски фронт со СДС за заеднички да соработуваат.

Бранко Ружиќ лани бил суспендиран од својата партија СПС, поради неговите јавни ставови против власта во Србија, за само една година подоцна повторно да ги продолжи неговите политики, и да делува опозициски.

Оваа средба отвора сериозни прашања за насоката и делувањето на СДС и нејзините цели и приоритети. Индикациите за вакавите средби и контакти за формирање заеднички фронт претставуваат директно мешање во политичките процеси надвор од Македонија, наместо СДС да се фокусира на домашните предизвици.

Димитријевиќ да каже дали на овие средби имало и други високи политички функционери?

Димитријевиќ да каже дали средбата која се одржала во Скопје, српскиот политичар Бранко Ружиќ дошол во Македонија со бела шкода со регистарски таблички BG 3020 UC?

Димитријевиќ треба да одговори дали на таа средба присуствувал и уште еден висок член на претседателство на партија СПС од Србија?

Зошто СДС и Филипче им служат на опозиција во друга држава, а не се фокусираат на македонската политичка сцена?

Димитријевиќ да и соопшти на јавноста кои се целите и мотивите на таквите средби.