Зеленски: Украина ќе разговара за заедничка воздушна одбрана со европските партнери

Украинскиот претседател Володимир Зеленски синоќа изјави дека украинската страна оваа недела ќе одржи разговори со европските партнери за создавање заеднички систем за воздушна одбрана.

– Сигурен сум: или Украина ќе стане составен дел од европскиот безбедносен систем, или некои во Европа ризикуваат да станат дел од рускиот свет – рече Зеленски, пренесува Укринформ.

Тој изјави дека Украина не само што ги следи промените, туку е и меѓу лидерите во развојот на безбедносните технологии.

Зеленски рече дека украинското безбедносно искуство и воената експертиза сега се најбараната стока за десетици земји ширум светот.

– Ние нудиме безбедносно партнерство – долгорочно и профитабилно за Украина – нагласи украинскиот претседател.