САД и Тајван ѝ честитаат на Такаичи за изборната победа, Вашингтон ја нарекува „прекрасен сојузник“

Министерот за финансии на САД, Скот Бесант, ѝ честиташе на јапонската премиерка Санае Такаичи и ја нарече „прекрасен сојузник“, а причината за неговите зборови беше импресивната победа на Такаичи на денешните парламентарни избори.

Во својот говор, американскиот финансиер број еден експлицитно ја нагласи поддршката на претседателот Доналд Трамп за јапонскиата лидерка.

„Таа е прекрасна сојузничка и има прекрасен однос со претседателот“, рече Бесант во интервју за Фокс њуз. „И кога Јапонија е силна, а САД се силни во Азија“.

На 5 февруари, во пресрет на изборите, Трамп ја изрази својата целосна поддршка за Такаичи преку објава на неговата социјална мрежа „Truth Social“.

„Премиерката Такаичи е личност која заслужува силно признание за работата што ја работат таа и нејзината коалиција“, напиша американскиот лидер.

Тајванскиот претседател Вилијам Лаи, исто така, ѝ честиташе на јапонската премиерка за нејзината победа. Лаи рече дека со нетрпение очекува да соработува со Такаичи за надминување на регионалните предизвици и промовирање на мирот и просперитетот во Индо-пацифичкиот регион.

„И нека вашата победа донесе попросперитетна и побезбедна иднина за Јапонија и нејзините партнери во регионот“, напиша тајванскиот лидер на „Х“.

Јапонија е во затегнати односи со Кина откако Такаичи изјави дека Токио би можел воено да интервенира ако Пекинг го нападне Тајван, самоуправуваниот остров што кинеската влада го смета за отцепена покраина. Изјавата ја налути Кина, која одговори со остри економски и дипломатски мерки.

Такаичи сака да ја зајакне војската, вклучително и со зголемување на трошоците за одбрана, што би го задоволило Трамп, кој врши притисок врз Токио да троши повеќе за ова прашање.

Ако Токио троши повеќе за одбрана, тоа би можело да ја помести вагата во корист на Вашингтон во трката со Пекинг за воена превласт во регионот.