Аксиос: Трамп разгледува повеќе опции за поддршка на протестите во Иран

Американскиот претседател Доналд Трамп разгледува повеќе опции за поддршка на протестите во Иран, изјавија денеска двајца неименувани високи американски функционери за американскиот онлајн медиум Аксиос.

Еден од функционерите рече дека многумина во администрацијата на Трамп веруваат дека силната воена акција во оваа фаза би му наштетила на протестното движење, иако воените напади врз цели во Иран сè уште се опција што се разгледува.

Други опции вклучуваат мерки за одвраќање на Техеран од потиснување на протестите, како што е објавување дека ударна група на американски носач на авиони се упатува кон иранскиот регион.

Американскиот функционер рече дека администрацијата на Трамп, исто така, разгледува кибер напади и информативни операции против иранските власти.

Анонимен израелски воен функционер запознаен со разузнавачките информации за Иран рече дека иранските власти, по протестите низ целата земја во четвртокот, станале „значително загрижени“ и „спровеле сериозна преиспитување на ситуацијата“, објави Аксиос.