Здружението „Бадникови поворки“ почна со емитување на божикниот серијал „Најубавиот подарок за Божик“

Здружението „Бадникови поворки“ започна со емитување на божикниот серијал „Најубавиот подарок за Божик“ – кратка видео-серија од четири епизоди, создадена со љубов за децата, но и за сите оние кои сакаат да се потсетат на вистинската смисла на Божик, се наведува во соопштението од Здружението.

Серијалот е реализиран од Ра-Ли продукција за Бадникови поворки, во режија на Владо Дојчиноски, со учество на деца кои со својата искреност и чистота носат силна порака што допира до секое срце.

Во четири кратки, но длабоко содржински епизоди, во траење од 5 до 7 минути, се раскажува приказната за Рождеството Христово – приказна што не се гледа само со очи, туку се чувствува со срцето.

 ЕПИЗОДА 1 – ВИТЛЕЕМСКАТА ПЕШТЕРА
Првата епизода нè враќа таму каде што сè започнува – во Витлеемската пештера.

Приказна за тивката ноќ, за смирението и чудото што го менува светот.

Видеото може да го погледнете на следниот линк:

 ЕПИЗОДА 2 – ВИТЛЕЕМСКАТА ЅВЕЗДА
Втората епизода нè води по светлината што го покажува патот. 

Приказна за надежта, за верата и за светлината што нè води дури и во најтемните ноќи.

Видеото може да го погледнете на следниот линк:

 ЕПИЗОДА 3 – ТРОЈЦАТА МУДРЕЦИ
Третата епизода зборува за мудроста, дарувањето и љубовта.

Приказна што нè потсетува дека највредните подароци не се материјални, туку доаѓаат од срцето.

Видеото може да го погледнете на следниот линк:

 ЕПИЗОДА 4 – БОЖИКЕН ПОДАРОК
Завршната епизода ја заокружува приказната и нè води кон суштината – Божикниот подарок што не се купува, туку се живее.

Видеото може да го погледнете на следниот линк:

Преку детската перспектива се потсетуваме на љубовта, радоста и заедништвото како највисоки вредности.

Серијалот „Најубавиот подарок за Божик“ претставува вовед во големата радост што нè очекува на 6 јануари 2026 година, кога во повеќе од 80 градови и населени места низ Македонија, како и во македонската дијаспора, со свечени Бадникови поворки ќе се најави Христовото Рождество.

Овој серијал е повик да застанеме, да се поврземе, да почувствуваме и пренесеме понатаму – од срце до срце.