Вести
Мицкоски најави 150 нови возила за Итната медицинска помош низ Македонија
Премиерот Христијан Мицкоски денеска на промоцијата на новите полициски возила во Министерството за внатрешни работи, најави дека службите на Брзата помош низ целата држава ќе бидат подновени со нови возила. Според премиерот, во следните две години ќе бидат испорачани вкупно 150 возила.
-Во текот на следната година Владата донесе одлука да набави 100 возила за Итната медицинска помош и вредноста на тој проект е мислам околу 7,5 милиони евра, а во 2027 година ќе бидат набавени уште 50, како резултат на донација. Значи некаде отприлика 150 нови возила за Итна медицинска помош ќе имаат Здравствените домови, изјави Мицкоски.
Премиерот посочи дека децении не се инвестирало во службите на Итната медицинска помош и нагласи дека во Скопје во моментов функционираат само седум исправни возила, додека во многу градови во Македонија нема ниту едно исправно возило за итни случаи.
декември 26, 2025
Тошковски и Мицкоски: После 15 години 120 нови возила за полицијата – инвестиција во безбедноста и во достоинството на полицаецот
Мицкоски најави 150 нови возила за Итната медицинска помош низ Македонија
МЗШВ: Исплатени над 39 милиони денари на 663 оризопроизводители
