Првиот српски сателит HUNITY лансиран во вселената, посветен на жртвите од падот на бетонската настрешница на железничката станица во Нови Сад

Студенти од Србија и од Унгарија го направија сателитот HUNITY, кој е целосно, како што велат, „Направен во Србија“. Ова е исто така првпат нешто „што е направено од почеток до крај во Србија да биде испратено во вселената“, објави Комитетот за развој на вселенската програма. Тој е посветен на жртвите од падот на бетонската настрешница на железничката станица во Нови Сад.

Улогата на сателитот HUNITY е, пред се, да тестира нови технологии во вселената – како што се преклопни соларни панели, сензори и мини-инструменти за научни мерења.

На проектот работеа студенти на Универзитетот за технологија и економија во Будимпешта (BME), студенти од Факултетот за технички науки, Природно-математичкиот факултет и од Високата техничка школа за тручни студии од Нови Сад, кои се членови на Комитетот за развој на вселенската програма.

Сателитот беше лансиран на 28 ноември, со ракетата Falcon 9 (Transporter 15) од компанијата SpaceX на Илон Маск.

Како што наведоа од Комитетот, методолошки – истиот принцип беше применет како во случајот со сателитите UNITY 1, UNITY 2 и UNITY 3 што беа лансирани во 2021 година од Индија како дел од програмата INDO-SERBIA Space Initiative под водство на проф. Канапти Гопалакришнан. Тие додаваат дека ова е причината зошто „на страната на Србија“ Индија учествува и во програмата HUNITY.

Делегациите на Унгарија и Индија беа во Нови Сад од 25 октомври до 15.11.2024 година и по совпаѓање на околностите беше предложено да биде посветено на жртвите од падот на бетонската настрешница на железничката станица во Нови Сад, што беше усвоено, наведоа тие во соопштението.

„Сега треба да бидеме малку повеќе трпеливи, околу две недели, додека не го „фатиме“ првиот сигнал и да се увериме дека сè функционира, а потоа ќе следи реализација на заеднички и индивидуални вселенски мисии во сите три земји“, изјави Душан Радосављевиќ ли