Кајт: Ливерпул е неверојатен тим, но исто и Фенербахче

Натпреварот од Лигата на шампионите што се игра утре во Истанбул меѓу Фенербахче и Ливерпул има посебна тежина пред сè за тренерот на домашниот тим холандскиот стручњак Дирк Кајт. Тој шест сезони беше играч на Ливерпул одигра повеќе од 200 натпревари и постигна 51 гол, а од Енфилд се пресели на Босфор поточно во Фенербахче.

–  Ливерпул е неверојатен тим, но и Фенербахче е исто така. Овој клуб е неверојатен клуб и само треба да продолжите да се борите. Победничкиот менталитет не е секогаш за тоа како да добијам натпревар, туку како да се справам со поразот. Но, најважно е да играме со енергија и да играме со страст. Ако се појавиме утре на теренот и публиката, навивачите ќе нè видат како играме со енергија, играме со страст, мислам дека Европа ќе види колку се добри нашите навивачи. И Европа ќе види колку е тешко да се игра против нас, бидејќи на крајот на денот – секој може да има свое мислење – но моето мислење е дека Фенербахче има навистина добри фудбалери, изјави на прес конференцијата пред дуелот Кајт.

Натпреварот од 4.коло меѓу Фенербахче и Ливерпул се игра утре со почеток во 18:45 часот. Ливерпул по три натпревари има три победи, додека Фенербахче има два бода по двата нерешени резултати на домашен терен со Рома и Славија Прага, додека загуби на гости против Астон Вила.