Сандерленд го задржува Ле Бри како главен тренер

Сандерленд одлучи да го задржи Реџис Ле Бри како главен тренер, и покрај серијата од четири порази во последните пет натпревари од Премиер лигата и последното место на табелата, објавија британските медиуми.

Одлуката за доверба на сегашниот тренер клубот официјално ја потврди вчеравечер за да ги смири гласините за негова смена.

-Сопственикот Кирил Луис-Драјфус и директорот Флорент Гисолфи се обединети во својата поддршка за тренерот, кого го сметаат за „централна фигура“ на проектот. Внатре во клубот, тие веруваат дека ситуацијата е реверзибилна, а соблекувалната останува зад Ле Бри. Клубот се потпира на „стабилност“ и „колективна одговорност“ како одговор на кризата, стои во соопштението на премиерлигашот.

Сандерленд е подготвен да го поддржи Бри во јануарскиот трансфер пазар. 

Пред паузата за репрезентативните натпревари, Сандерленд ќе одигра два домашни: против Динамо Загреб во Лигата на Европа и против Челзи во Премиер лигата.

Со пет бода од девет натпревари Сандерленд е на последната 20. позиција на табелата.

Педесетгодишниот Французин Ле Бри е со тимот од јули 2024 година, а неговиот договор е до 30 јуни 2028 година.