„Хаарец“: Израелскиот претседател планира следната недела да започне преговори за нова владина коалиција

 Израелскиот претседател Исак Херцог планира во среда да започне консултации за формирање нова влада со партиите избрани во Кнесетот, објави израелскиот весник „Хаарец“.

„Хаарец“ вчера објави дека консултацииите ќе се емитува во живо.

Според традицијата, претседателот го избира кандидатот за кој верува дека има најдобри шанси да обезбеди парламентарно мнозинство, наместо автоматски да го назначува лидерот на најголемата партија.

Тоа би бил актуелниот премиер Бенјамин Нетанјаху, чија десничарска партија Ликуд се појави како најсилна политичка сила на парламентарните избори во вторникот, освојувајќи 27 од 120 места.

Кандидатот на опозицијата Гади Ејзенкот го освои второто место со неговата новоформирана центристичка партија Јашар, која освои 21 место.

Меѓутоа, ниту блокот на Нетанјаху, ниту опозицијата, не ги обезбедија потребните 61 место за мнозинство, оставајќи го составот на идната влада неизвесен.

Кандидатот избран од претседателот има рок од 28 дена за формирање коалиција, со можност за продолжување за дополнителни 14 дена. Доколку тој обид не успее, претседателот го доверува мандатот – исто така за 28 дена – на друг пратеник.

Доколку дури и тој чекор не доведе до резултати, најмалку 61 претставник можат да предложат кандидат во рок од 21 ден, кој потоа има 14 дена за формирање влада.

Во случај да не се постигне мнозинска коалиција во ниту една од тие три фази, парламентот автоматски се распушта и нови избори мора да се одржат во рок од 90 дена.

Херцог, меѓутоа, наведе дека сака да избегне нови избори.