Верстапен и Лосон ќе изгубат по една позиција на стартната линија за Големата награда на Мексико

Возачот на Ред Бул, Макс Верстапен, и возачот на Рејсинг Булс, Лиам Лосон, се казнети по инцидент за време на втората тренинг сесија на Големата награда на Мексико, објавено е на веб-страницата на ФИА.

Верстапен се судри со Лосон откако се обиде да го престигне Новозеланѓанецот пред 12. кривина, но Лосон одби да се откаже од својата позиција. Остатоци на патеката предизвикаа тренингот да биде прекинат неколку минути.

Однесувањето на возачите беше оценето како неприфатливо, па двајцата ќе изгубат по една позиција на стартната линија за главната трка и ќе добијат по еден казнен поен на нивните лиценци.

Трката од Формула 1 шампионатот за Големата награда на Мексико ќе се вози утревечер во 21 часот по македонско време.