Култура
Почнува манифестацијата „Европски денови на културното наследство 2025“
Во Музејот на РС Македонија денеска напладне ќе биде отворена манифестацијата „Европски денови на културното наследство 2025“.
Темата на овогодинешото одбележување е „Архитектонско наследство: Прозорец кон минатото – врата кон иднината“. Во таа пригода ќе биде отворена изложбата „Допрете ги покуќнинските садови“ на авторот Сузана Марковска, едукатор – етнолог во музејот, најави Музеј на РС Македонија.
Изложбата е тактилна и е посветена и наменета за слабовидни и слепи лица. Таа ќе биде проследена со едукативни работилници и во следните денови.
септември 23, 2025
