Верстапен: Во новите болиди пилотите се ограничени и треба постојано да калкулираат

Возачот на Ред Бул, Макс Верстапен, направи споредба на денешните болиди и оние кои се возеа пред неколку сезони.

– Низ историјата на Формула 1, најрешителниот возач обично е награден, оној кој најмалку ќе притисне на сопирачките, оној кој влегува во кривините со голема брзина, бидејќи така се надоместува времето. Сега постојано мора да размислувате: „Во оваа кривина, ќе се воздржам малку – ќе притиснам на гас подоцна. Или ќе сопрам порано. На тој начин, ќе имам поголема максимална брзина. Многу е неприродно. Не треба да биде така. Немам намера да покажам непочитување – и се надевам дека никој нема да најде маана за тоа. Но, погледнете го Јуки [Цунода]. Тој влегува во болидот на Рејсинг Булс што никогаш порано не го возел. И веднаш покажува брзина. Истото се однесува и на Лиам Лосон кој се префрли од Рејсинг Булс во Ред Бул – и веднаш покажува брзина. Да, секако, сè уште треба да поставите брз круг и да бидете решителни. Најбрзите возачи секогаш ќе бидат напред. Но, вие сте многу, многу ограничени во калкулирањето, истакна четирикратниот шампион во Формула 1.

Почнувајќи од 2026 година болидите во Формула 1 се помали, поагилни и поеколошки со хибридни мотори 50-50 поделба помеѓу електричната енергија и моќноста на внатрешно согорување