Канаѓанецот Лоренцо нов фудбалер на Брегалница

Македонскиот прволигаш Брегалница ги засили своите редови за продолжението на сезоната во ПМФЛ со канадскиот 21-годишен напаѓач Натаниел Лоренцо.

„Од Канада ни пристигнува млад, перспективен напаѓач, со брзина, енергија и голема желба за докажување. Веруваме дека неговата младост, талент и напаѓачки квалитети ќе донесат нов импулс и дополнителна опасност пред противничкиот гол“, соопшти клубот од Штип.

Лоренцо ја почна кариерата во Про Старс Торонто, по што се пресели во европскиот фудбал, настапувајќи прво за подмладокот на Ѓер, од каде премина во Татабања.