Ираола: Победата во ЛШ и трите бода се исклучително важни

Екипата на Ливерпул заедно со европскиот првак ПСЖ имаат максимален ефект три победи од три натпревари во Лигата на шампионите. Секако тоа е знак на задоволство во редовите на премиерлигашот особено што новиот менаџер Андони Ираола на синоќешниот дуел против Виљареал настапи со неколку промени во тимот, а неговата екипа од 0:2, стигна до водство од 4:2 на натпревар што заврши 4:3 за „црвените“.

–   Мислам дека беа многу подобри од нас, особено во првите 30-тина минути до 2-0, а потоа игравме многу подобро од нив во второто полувреме, до 4-2 веројатно. Мислам дека веројатно почнавме да се опуштаме во играта по тоа водство. Многу важни три бода особено што игравме против добар тим, затоа и давам важност на оваа победа, изјави Ираола.

Виљареал водеше на Енфилд до 2:0, а Ливерпул успеа да изедначи по двата гола со глава на Алексис Мек Алистер и Роналд Араухо до крајот на првиот дел. Во вториот дел стрелци беа Мек Алистер уште еднаш и Флориан Вирц.

Ливерпул следниот натпревар го игра против Брајтон во недела во рамки на Премиер лигата на домашен терен.