Американската амбасадорка Никол Варнс во посета Општина Битола

Градоначалникот на Битола Тони Коњановски и секретарот на општината Борче Димитровски денеска имаа средба со Никол Варнс вршителка на должноста амбасадорка во Амбасадата на САД во Македонија, која е во прва официјална посета на Општина Битола. 

Од Општина Битола соопштија дека на средбата биле констатирани добрите пријателски односи на Македонија со стратешкиот партнер САД, а Коњановски и Димитровски во срдечен разговор со неа размениле мислења за актуелните состојби во земјава, ја запознаа со Битола градот на културата, традицијата, историјата, истакнувајќи ги можностите за продлабочување на соработката на сите полиња. 

Градоначалникот Коњановски на амбасадорката Вернс и подари пригоден подарок во знак на пријателството меѓу двете земји и двата народи, спомен кој ќе ја потсетува на нејзината прва официјална посета на Општина Битола.