Вести
МВР: Од 20 до 31 јануари тестирање на камерите за сообраќаен надзор во рамките на „Безбеден град“
Министерството за внатрешни работи информира дека во рамките на проектот „Безбеден град“ од 20 до 31 јануари 2026 година ќе се врши тестирање, калибрација и верификација на поставените уреди (камери) за сообраќаен надзор. Тестирањата ќе се реализираат секој ден, од 8 до 20 часот.
За време на спроведувањето на овие активности возилата на локациите на кои се врши тестирањето нема да бидат пропуштани додека трае постапката.
Во првата недела од предвидениот период активностите ќе се спроведуваат исклучиво на локациите со поставени камери на подрачјето на град Скопје.
– Ги повикуваме граѓаните и сите учесници во сообраќајот да ги почитуваат привремените ограничувања, да покажат разбирање, трпение и соработка со цел непречено и безбедно реализирање на планираните активности – се наведува во соопштението.
јануари 16, 2026
МВР: Од 20 до 31 јануари тестирање на камерите за сообраќаен надзор во рамките на „Безбеден град“
Досега на списокот 7 лица: Инфлуенсерите, влогерите и јутуберите да се регистрираат, повикува АВМУ
Активиран модул на веб-страницата на МЗ за изразување интерес за соработка на лекари што работат или специјализираат во странство
