Жена од Калифорнија доби оштета од 17 милиони долари за брутално приведување

Накија Портер од американската сојузна држава Калифорнија доби 17 милиони долари отштета поради брутално апсење во 2020 година.

Таа поднесе федерална тужба обвинувајќи ги заменик-шерифите од округот Солано, Северна Каролина за кршење на државните и федералните закони за граѓански права преку „незаконско притворање, напад и употреба на прекумерна сила“.

Портер, нејзиниот татко и нејзините три мали деца, возеле кон дома ноќта на 6 август 2020 година, кога застанале на патот таа била малтретирана од полицијата. И покрај нејзиното објаснување дека застанале на пат за да се сменат зад воланот, полицијата вперила оружје во неа, била турната на тротоар, а потоа нејзе и на татко и ѝ биле ставени лисици. Портер била во притвор една ноќ, но против неа не било подигнато обвинение.

Тоа што и се случи на госпоѓа Портер и нејзиното семејство не треба да се случува во нашето општество, изјави адвокатот на Афроамериканката Портер по постигнувањето на договор со локалните власти за отштета.