Удинезе го отпушти Руњајиќ и го назначи Паоло Занети за нов тренер

Калчолигашот Удинезе го објави назначувањето на Паоло Занети за свој нов главен тренер. Договорот на 43-годишниот Италијанец важи до 30 јуни 2027 година.

Назначувањето дојде само неколку часа по отпуштањето на 55-годишниот Германец Коста Руњајиќ.

Занети, кој беше без ангажман од февруари 2026 година откако беше отпуштен од Верона, го презема Удинезе, кој е на 19. место во Серија А со пет бода по 10 натпревари.

Клубот објави дека Занети ќе го одржи својот прв тренинг денес, а неговата промоција ја закажа за утре (4 ноември).

Тренерската кариера на Занети вклучуваше и престои во Емполи, Венеција, Асколи и Јудтирол. 

Руњајиќ го предводеше Удинезе од 2024 година.