Хроника
Лишен од слобода маж од тетовско поради предизвикување пожар
Полициски службеници од ПО Групчин, вчера во 16:35 часот, го лишиле од слобода Н.И.(70) од село Чифлик, постапувајќи по претходна пријава дека тој, додека ја чистел неговата нива на местото викано „Ливада“ на стариот пат од село Чифлик за село Ларце, ја запалил собраната сува трева и предизвикал пожар, кој потоа бил изгаснат.
Како што соопшти денеска МВР, Н.И. е задржан во полициска станица и по документирање на случајот ќе му биде изготвен соодветен поднесок.
септември 22, 2025
