Врховниот суд на САД го блокира планот на Трамп за ограничување на гласањето по пошта

Врховниот суд на САД денеска одби да ѝ дозволи на американската Поштенска служба да примени нови правила со кои се ограничува гласањето по пошта.

Американските медиуми коментираат дека одлуката е уште еден удар врз напорите на претседателот на САД, Доналд Трамп, да го ограничи овој начин на гласање пред меѓуизборите во ноември, кои би можеле да одредат која партија ќе го контролира Конгресот.

Судиите го одбија барањето на Министерството за правда за укинување на одлуката на окружниот судија од Бостон, Индира Талвани, со која се блокира можноста Поштенската служба да ги примени новите правила.

Министерството ги воведе овие правила откако Трамп издаде извршна наредба во март за ограничување на гласањето по пошта.