Демографски пад во Република Српска: За четири години бројот на жители намален за над 22.000

Бројот на жители во Република Српска (РС) за четири години е намален за повеќе од 22.000 лица, односно за околу два отсто, додека бројот на лица постари од 65 години се зголемил за дури 17.000, покажуваат најновите податоци на Заводот за статистика на РС.

Според официјалните проценки на населението, РС во 2021 година имала 1.128.309 жители, додека во 2025 година овој број се намалил на 1.105.469, што претставува точен пад од 22.840 жители.

Податоците на Републичкиот завод за статистика укажуваат и на загрижувачки демографски трендови кај сите возрасни групи. Бројот на деца на возраст до 14 години е намален од 150.053 во 2021 година на 142.679 во 2025 година, што значи дека за четири години РС останала без повеќе од 7.300 деца во најмладата возрасна категорија.

Истовремено, забележан е значителен пад и кај работно способното население на возраст од 15 до 64 години. Нивниот број од околу 739.000 во 2021 година се намалил на околу 706.000 во 2025 година, односно за приближно 33.000 лица.

За разлика од овие категории, бројот на жители постари од 65 години забележал раст од над седум отсто, зголемувајќи се од 239.117 во 2021 година на 256.389 лица во 2025 година, што е зголемување за 17.272 лица.