Дејвид Лами ќе биде британски заменик-премиер

Британскиот министер за надворешни работи Дејвид Лами е назначен за заменик-премиер, откако претходната заменик-премиерка, Анџела Рејнор, поднесе оставка.

Лами ја напушта функцијата министер за надворешни работи, а негов наследник ќе биде министерката за внатрешни работи, Ивет Купер, објави политичката уредничка на весникот „Гардијан“, Пипа Крерар, на социјалната мрежа Х.

Доколку биде потврдено, назначувањето ќе стане најзначајната промена досега во владата на британскиот премиер Кир Стармер, јавија британските медиуми.

Според нив, Лами ќе биде заменик-премиер и министер за правда.

Се очекува актуелната министерка за правда Шабана Махмуд да ја наследи Купер на функцијата министер за внатрешни работи.