Зимбабве враќа 67 фарми на европски колонијални сопственици

Зимбабве ќе врати 67 фарми запленети од државата од странци од четири европски земји како дел од билатерални инвестициски договори, изјави министерот за земјоделство на оваа земјата, додека се обидува да ги поправи односите со западните земји со цел олеснување на долгот.

Јужноафриканската земја започна со конфискација на фарми во сопственост на белци за време на покојниот лидер Роберт Мугабе во 2000 година. Владата во тоа време изјави дека целта на политиката е да се населат црнците без земја и да се корегира нерамнотежата во сопственоста на земјиштето, наследство од колонијалната ера.

Конфискацијата на земјиште го уништи комерцијалното земјоделство, предизвика колапс на валутата во 2008 година и го остави Зимбабве да се бори да се прехрани.

Наследникот на Мугабе, претседателот Емерсон Мнангагва, се обидува да ги подобри односите со западните влади кои воведоа санкции врз Зимбабве поради грабежи на земјиште и обвинувања за кршење на човековите права.

Министерот за земјоделство, Анксиоз Масука , вчера им соопшти на пратениците дека владата ќе врати 67 фарми на граѓани на Данска, Швајцарија, Германија и Холандија, земји опфатени со билатерални договори за заштита на инвестициите.

„Во процес сме на враќање на тие фарми во овие земји“, рече Масука како одговор на прашање од пратеник.

Овие европски земји се дел од групата западни земји кои преговараат за олеснување на долгот со Зимбабве и се значајни донатори на земјата.