Рубио се сретна со папата Лав XIV

Државниот секретар на САД, Марко Рубио, денеска во Ватикан беше на долгоочекуваната аудиенција со папата Лав XIV.

Рубио во Ватикан се сретна и со државниот секретар на Ватикан, кардиналот Пјетро Паролин.

Посетата на Рубио на Ватикан е претставена како обид за подобрување на односите по критиките на американскиот претседател Доналд Трамп кон папата Лав XIV. Трамп го нападна папата поради неговиот став против војната со Иран.

Предвидено е денеска Рубио да се сретне и со италијанскиот министер за надворешни работи, Антонио Тајани, и министерот за одбрана, Гвидо Кросето, а утре со италијанската премиерка Џорџа Мелони. 

Во соопштението од Стејт департментот се наведува дека Рубио и папата разговарале за „ситуацијата на Блискиот Исток и теми од заеднички интерес на Западната хемисфера“.

– Средбата ја потврди силната врска помеѓу САД и Светата столица и нивната заедничка посветеност на промовирање на мирот и човечкото достоинство – изјави портпаролот на Стејт департментот.