Санчез за односите со САД: Лојалната соработка мора да преовлада над конфронтацијата

Лојалната соработка мора да преовлада над конфронтацијата во односите меѓу Мадрид и Вашингтон, изјави денеска шпанскиот премиер Педро Санчез.

Тензиите се зголемија меѓу Шпанија и САД поради војната на Блискиот Исток, откако Санчез го опиша нападот на САД и Израел врз Иран како „неверојатна грешка“.

Санчез и американскиот претседател Доналд Трамп се во напнати односи веќе неколку дена откако Трамп го критикуваше Санчез за тоа што не им дозволи на американските сили да користат две бази во Шпанија како дел од операцијата против Иран.

„Оваа војна во Иран, според мене и според мислењето на Шпанија, е исклучителна грешка за која ќе платиме“, рече Санчез, нагласувајќи дека операцијата против Иран „не е во согласност со меѓународното право“.