Казни и до 4.000 евра за навидум безопасни постапки: 10 најчудни закони што може да ви го расипат одморот

Последното нешто што некој сака да му се случи на одмор е – судир со законот и огромна казна за нешто што изгледа сосема безопасно. Затоа е важно да се информирате за локалните правила и обичаи, за да не ве изненади ситуација како, на пример, уринирање во море или земање каменче од плажа – што може да ве чини стотици, па и илјадници евра.

1. Уринирање во море – казна до 750 евра (Шпанија)

Градот Виго во Шпанија уште во 2022 година воведе забрана за уринирање во море или на плажа. Прекршувачите ризикуваат казна до 750 евра – иако не е сосема јасно како се спроведува контролата.

2. Гледање бинго – потенцијален затвор (Португалија)

Во Португалија, дури и само гледање неовластена партија бинго може да ве доведе во сериозни проблеми. Бингото се смета за облик на коцкање, па дури и во парк, може да завршите со казна или затвор.

3. Крадење каменчиња од плажа – до 1.000 евра (Италија)

Ако патувате во Италија, особено на Сардинија, не земајте каменчиња, школки или песок од плажите – тоа е строго забрането. Туристи кои ги прекршиле овие правила веќе се соочиле со високи парични казни. На островот Капри дополнително се забранети сите пластични производи за една употреба, како сламки и чинии, а казните достигнуваат и до 500 евра.

4. Хранење гулаби – преку 4.000 евра (Сингапур)

Во Сингапур дури и хранењето гулаб може скапо да ве чини. Освен тоа, забрането е плукање на улица, фрлање ѓубре, продажба на мастики, пушење на јавни места и пиење алкохол во јавен превоз.

5. Приговарање на сметка – ризик од пријава (Јапонија)

Во делови од Јапонија, ако се пожалите на сметката во ресторан, може да завршите со пријава во полиција. Се препорачува внимателно да ги проверите цените пред да нарачате.

Други необични правила ширум светот:

• Хонгконг: Плукање и фрлање ѓубре се казнуваат со околу 350 евра.
• Грција: Покажување на задникот (т.н. „flashing“) се третира како непристојно однесување и може да доведе до затвор.
• Турција: Кинење банкноти, навреда на знамето или турската нација може да резултира со до 3 години затвор.
• Германија: Преоѓање на црвено светло како пешак носи казна од најмалку 5 евра – или повеќе ако го загрозите сообраќајот.
• Кариби: Маскирна облека е забранета бидејќи се поврзува со војска – можно е задржување или казна.

Совет за крај: Без разлика каде патувате – добро информирајте се за локалните закони. Зашто она што кај нас е безопасен гест, некаде може да биде сериозен прекршок.