Софија со викенд зелена карта се справува со загадениот воздух

Општина Софија од денеска до 22 декември воведе викенд зелена карти за јавниот превоз, како превентивна мерка поради високото ниво на загаденост на воздухот и најавеното формирање на магла.

Во предвидениот период паркирањето на паркинг местата на метрото ќе бидат бесплатни за сите граѓани и туристи.

Одлуката е донесена врз основа на прогноза на бугарскиот Национален институт за метеорологија и хидрологија со цел да се ублажат негативните последици по човековото здравје од лошиот квалитет на воздухот.

Општината упати апел до граѓаните одговорно да се однесуваат и да го намалат користењето на автомобили, да избегнуваат палење на отпад во затворен и на отворен простор и да пријават евентуални прекршувања.

Цената на зелената карта чини еден лев (50 центи) во текот на целиот ден, а важи и за ноќниот превоз