Пожар предизвика вонредна состојба во бугарската нуклеарна централа Козлодуј

Во машинската просторија на петтата единица на бугарската нуклеарна централа Козлодуј избувна пожар, по што веднаш беше активирана противпожарната служба.

Работниците преземаат мерки за замена на оштетената опрема. Според официјалните информации, ситуацијата е под контрола и нема опасност за луѓето.

Според енергетските експерти, инцидентот не претставува нуклеарна опасност, бидејќи пожарот се случил во помошен енергетски објект, а не во реакторот или во деловите што доаѓаат во контакт со нуклеарно гориво.

Сепак, експертите предупредуваат дека вакви настани се сериозен сигнал за ризик и потреба од редовна проверка на инфраструктурата, бидејќи Козлодуј е клучна нуклеарна постројка која произведува околу една третина од електричната енергија во Бугарија.

Персоналот останува во готовност додека инцидентот не се санира целосно. Козлодуј, најголемата нуклеарна централа во Бугарија, се наоѓа 120 километри северно од Софија и обезбедува околу 30 проценти од електричната енергија на земјата.

Досега се исклучени четири постари реактори, а активни се два од 1.000 мегавати.