Медведев ја предупредува Европа за ризикот од нуклеарна војна со Русија

Поранешниот руски претседател Дмитриј Медведев денеска изјави дека Европа не може да си дозволи да води војна против Русија, но ако нејзините лидери направат грешка и предизвикаат таква војна, таа би можела да ескалира во конфликт со оружје за масовно уништување.

Медведев напиша на Телеграм дека на Русија не ѝ е потребна војна со „ледената стара Европа“.

„Тие едноставно не можат да си дозволат војна со Русија“, рече Медведев за европските сили, додавајќи дека „веројатноста за фатален инцидент секогаш постои“.

„Таквиот конфликт има апсолутно реален ризик да ескалира во војна во која се користи оружје за масовно уништување“, рече Медведев, кој моментално е заменик-претседател на Советот за безбедност на Русија.