САД ќе го намалат персоналот во четири амбасади на Блискиот Исток поради растечки закани од Иран

 Стејт департментот ќе го намали бројот на вработени во четири амбасади на Блискиот Исток откако доби разузнавачки информации дека Иран значително ги зголемил своите напори за напад врз американски персонал во регионот.

Во меморандум испратен до државниот секретар Марко Рубио, директорот на Националното разузнавање Џеј Клејтон наведува дека неговите тимови „добиле разузнавачки информации дека Иран значително ги зголемил своите напори за напад врз американски персонал“.

„Смртоносните закани на Иранците врз американски граѓани се во напредни нивоа како на Блискиот Исток така и во други земји“ , нагласува Клејтон

Според американски медиуми, тројца американски функционери, кои зборуваа под услов да останат анонимни поради чувствителноста на прашањето, потврдија дека документот му е испратен на Рубио како државен секретар и советник за национална безбедност.

Мемондумот доаѓа кратко откако Стејт департментот објави дека го намалува персоналот во амбасадите на САД во Јордан, Либан, Катар и Обединетите Арапски Емирати (ОАЕ). Изворите велат дека заканите од Иран и бунтовниците хути во Јемен, поддржани од Иран, се поврзани со промените во персоналот.

Сите засегнати амбасади работат под состојба позната како „ограничени операции“, што веќе резултираше со намален број на вработени.