Белорусија, како реципрочна мерка, протера чешки дипломат

Министерството за надворешни работи на Белорусија нареди чешки дипломат да ја напушти земјата и повика висок полски дипломат на состанок откако Прага протераа белоруски дипломатски персонал.

Во соопштението на белоруското МНР се наведува дека протерувањето на дипломатите е „резултат на години предрасуди кон Белорусија од страна на чешките власти“.

Претходно, Чешка и Полска протераа белоруски дипломати под обвинение за шпионажа. Варшава, исто така, уапси лице надвор од дипломатските кругови под сомнение за шпионажа во корист на Белорусија.

Западните земји воведоа санкции кон Белорусија по изборите во 2020 година, кога Александар Лукашенко освои уште еден претседателски мандат и ги задуши протестите на опозицијата кои не ги признаа изборните резултати. Белорусија е сојузник на Русија во нејзината војна во Украина.