Арсенал го продаде Мартинели на Ал Хилал за рекордни 70 милиони евра

Саудискиот прволигаш Ал Хилал објави вечерва дека потпишал договор со крилниот напаѓач на Арсенал, Габриел Мартинели. Договорот е вреден вкупно 70 милиони евра, што е највисок износ кој Арсенал го инкасирал од трансфер на свој фудбалер во друг клуб.

Досега, на врвот на ранг-листата беше Алекс Окслејд-Чемберлен кој се пресели во Ливерпул во 2017 година за околу 40 милиони евра.

Мартинели потпиша четиригодишен договор со Ал-Хилал, а ќе го носи дресот со број 7. Бразилскиот репрезентативец седум години го носеше дресот на Арсенал, кој го доведе од матичниот клуб Итуано за околу седум милиони евра.

Ова лето, Ал-Хилал потпиша со уште двајца напаѓачи од англиски клубови – Кресенсио Сомервил од Вест Хем и Оли Воткинс од Астон Вила.