Запалена зградата на Парламентот на Непал

Стотина демонстранти против корупцијата денеска упаднаа во зградата на Парламентот во главниот град на Непал, Катманду.

Од зградата на Парламентот се издига густ чад и оган, а илјадници луѓе, и покрај полицискиот час, се на улиците во Катманду, но и во други градови. Се поголем број млади луѓе се придружуваат на протестите, а вооружената полиција се обидува да ги растера со солзавец.

Протестите и нападот врз Парламентот почнаа вчера поради што непалската Влада на 4 септември ги блокира на социјалните медиуми, меѓу кои Фејсбук, Инстаграм и Јутјуб со образложение дека бидејќи компаниите не ги почитувале прописите.

Законот, што не е усвоен од Парламентот на Непал, беше широко критикуван како алатка за цензурирање и казнување на противниците кои ги изразуваат своите ставови преку интернет.

Претходно, демонстрантите го запалија домот на премиерот на Непал, К. П. Шарма Оли, кој денеска поднесе оставка. Демонстрантите ги запалија и домовите на министерот за внатрешни работи Рамеш Лека, лидерот на Комунистичката партија на Непал, Пушпа Камал Дахал, и приватно училиште во сопственост на министерката за надворешни работи Арзу Деуба Рана.