Украинската Рада го разреши министерот за одбрана Денис Шмихаљ, станува вицепремиер и министер за енергетика

Врховната Рада на Украина денеска со гласовите на 265 пратеници ја поддржа оставката на украинскиот министер за одбрана Денис Шмихаљ од оваа позиција, објави „Укринформ“.

Врховната Рада на 9 јануари ги доби поднесените оставки од министерот за одбрана, Денис Шмихаљ, и од првиот вицепремиер и министер за дигитална трансформација, Михајло Федоров.

Претседателот на Украина, Володимир Зеленски, предложи досегашниот министер за одбрана Денис Шмихаљ да биде назначен за прв вицепремиер и министер за енергетика.

На Федоров му е понудена функцијата прв човек на Министерството за одбрана, објавува „Укринформ“.

На 4 март 2020 година Шмигаљ беше назначен за премиер на Украина и оваа позиција ја држеше најдолго време во историјата на земјата, до 17 јули 2025 година, кога, по оставката, ја презеде функцијата министер за одбрана во новата влада, според украинската веб-страница.