Шефот на Пентагон ја посети границата меѓу Северна и Јужна Кореја

Шефот на Пентагон, Пит Хегсет, денеска ја посети границата меѓу Северна и Јужна Кореја, што е прва посета на американски секретар за одбрана по осум години.

Министерот за одбрана на Јужна Кореја, Ан Гју-бак, го придружуваше својот американски колега во Панмунџом, единствената точка каде што се соочуваат севернокорејските и јужнокорејските сили, откако посети рид познат како набљудувачки пункт Оулет.

Двајцата претставници „ја потврдија силата на нивниот заеднички одбранбен став и тесната соработка меѓу Јужна Кореја и САД“, соопшти јужнокорејското Министерство за одбрана.

Посетата на Хегсет доаѓа по патувањето на американскиот претседател Доналд Трамп во Азија минатата недела.

Министерот за одбрана на САД, Џејмс Матис, беше последниот американски министер што отпатува во демилитаризираната зона што ги одделува двете земји, во октомври 2017 година.