Леони ќе отсуствува неколку месеци

Играчот од одбраната на Ливерпул Џовани Леони ќе мора да паузира неколку месеци. Тој на синоќешниот дуел од Лига купот со Саутемптон заработи повреда и во 81.та минута го заврши натпреварот покрај аут линијата, а потоа со помош на медицинските лица на носилки го напушти и теренот.

Денешните прегледи само потврдија дека станува збор за тешка повреда на 18-годишниот фудбалер. Тој има скинат преден вкрстен лигамент на коленото.

Леони синоќа го имаше своето деби во дресот на Ливерпул на официјален натпревар.