Чави: Полуфиналето против Франција е најдобриот натпревар на Шпанија на СП 2026

Поранешниот тренер на Барселона, Чави, смета дека шпанската репрезентација се претстави особено добро во полуфиналето (2:0) со Франција на Светското фудбалско првенство 2026.

-Мислам дека ова беше најдобриот натпревар на Шпанија на ова Светско првенство, вистинска ода за фудбалот. Не сум видел толку обединет тим со години, играјќи со таква самодоверба и во нападот и во одбраната. А ова беше против Франција, која се сметаше за најсилен тим. Овој тренер, овие играчи, оваа генерација создадоа навистина одличен тим на сите нивоа, изјави Чави за „Мундо Депортиво“.

Поранешниот фудбалер додаде дека сегашната репрезентација на Шпанија е многу слична на шпанската репрезентација од 2010 година, која го освои Светското првенство во Јужна Африка. 

Чави верува дека репрезентацијата ќе успее во финалето.

Шпанија ќе игра против Аргентина за трофејот. Решавачкиот натпревар ќе се одржи на стадионот „МетЛајф“ во Ист Радерфорд, САД, утре од 21 часот по македонско време.