Дел од возовите во Белгија нема да сообраќаат поради високите температури

Белгиските железници соопштија дека некои возови нема да сообраќаат оваа недела поради очекуваните рекордни високи температури и ризикот од оштетување на пругите.

Според матеоролозите, задутре во Белгија претстои историски рекорд, и се очекува температурата во сенка да биде 37 степени и ова ќе остане непроменето неколку дена.

Управата на железницата стравува дека шините ќе се деформираат и дека постои ризик од почести дефекти на возовите, што би можело да доведе до блокирање на целиот сообраќај на одредени места.

Некои од возовите кои нема да сообраќаат немаат климатизација и се користат само во шпицот, што значи дека остатокот од времето стојат на Сонце без да се ладат, а во овој случај тоа ги прави неупотребливи, забележаа локалните медиуми.