Радев очекува САД да побараат продолжување на престојот на нивните воени авиони во Софија

Бугарскиот премиер Румен Радев очекува американската страна да побара продолжување на престојот на воените авиони и цистерни на Военовоздухопловните сили на САД на аеродромот „Васил Левски“ во Софија.

Како што истакна на почетокот на денешната владина седница, оваа воена техника е стационирана на софискиот аеродром врз основа на одлука на Министерскиот совет на кабинетот на Росен Жељазков, со рок на престој до крајот на мај, пренесува БТА.

Радев информираше дека вчера имал телефонски разговор со американскиот министер за одбрана Пит Хегсет, а потоа и со претседателот на САД, Доналд Трамп. Според неговите зборови, во разговорот со американскиот претседател го отворил и прашањето за укинување на визите за бугарските граѓани.

– Очекувам ова прашање да биде разгледано по итна постапка, изјави премиерот Радев.