Портпаролката на Белата куќа Каролин Левит го доби своето второ дете

Портпаролката на Белата куќа Каролин Левит, која на 28 години стана најмладата секретарка за печат во историјата на Белата куќа, на социјалните мрежи сподели фотографија од своето второ дете – ќерката по име Вивијана.

„На 1 мај, Вивијана, или Виви, се придружи на нашето семејство и нашите срца веднаш се исполнија со љубов“, напиша Левит.

„Таа е совршена и здрава, а нејзиниот постар брат среќно се адаптира на животот со новата сестра. Уживаме во секој момент со нашето бебе“, додаде Левит.

Левит изјави дека од 24 април е на породилно отсуство, и дека нејзиниот последен ден во прес-салата бил на 28 април, по инцидентот откако вооружен напаѓач се обидел да влезе на вечерата на дописниците на Белата куќа.

Левит е во брак со 32 години постариот американски претприемач Николас Ричио. Тие се во брак од 2025 година, непосредно пред нејзиното преземање на функцијата во Белата куќа. Интересен е фактот што своето прво дете парот го добил во 2024 година, непосредно пред политичката кампања на претседателот Доналд Трамп.