Шведска формира нова надворешно-разузнавачка агенција

Шведската влада соопшти дека продолжува со плановите за формирање на нова цивилна надворешно-разузнавачка агенција, која би одговарала директно на владата, со цел зајакнување на безбедносните капацитети во услови на влошена меѓународна ситуација.

Министерката за надворешни работи на Шведска, Марија Малмер Стенергард, рече дека Шведска мора да ја унапреди разузнавачката структура поради „сериозната безбедносна ситуација“ и новите закани, особено по влезот на земјата во НАТО.

Планот за новата агенција настана по критиките дека шведските безбедносни служби не успеале успешно да ја предвидат руската инвазија на Украина во 2022 година, и покрај претходните индикатори за воено распоредување.

Според предлогот, новата служба ќе работи заедно со постојните структури, вклучувајќи ја воената разузнавачка служба MUST, полициската безбедносна служба SAPO и Националната радио-одбранбена агенција FRA.

Владата проценува дека годишните трошоци на новата институција ќе изнесуваат помеѓу 240 и 250 милиони евра, а средствата делумно ќе бидат пренасочени од буџетот на вооружените сили. Почетокот на работата е планиран за крајот на годинава.