Мацула од Бостон прогласен за тренер на годината во НБА

Тренерот на Бостон селтикс, Џо Мацула, е прогласен за тренер на годината во НБА за сезоната 2025/26.

Селтикс ја завршија регуларната сезона со резултат од 56 победи и 26 порази на второто место во Источната конференција. До овој позитивен биланс Бостон дојде и покрај повредата на лидерот на тимот, Џејсон Тејтум, и заминувањето на неколку клучни играчи.

Мацула освои 392 поени во гласањето. Второто место му припадна на Џ.Б. Бикерстаф од Детроит (312), а третото место му припадна на Мич Џонсон од Сан Антонио (133).

Триесет и седумгодишниот Мацула стана четвртиот тренер во историјата на Бостон кој ја освојува оваа награда и првиот по 1980 година кога Бил Фич беше прогласен за тренер на годината.

Воедно, Мацула е вториот најмлад добитник на наградата по Фил Џонсон во 1975 година.

Во плејофот на НБА, Бостон загуби од Филаделфија со 4:3 во серијата од првото коло.