Претставата „Сладодел за жени“ премиерно на 41. издание на ШКЛ

„Сладолед за жени“ е новата театарска претстава која премиерно ќе биде изведена на 41. издание на Штипско културно лето (ШКЛ), соопштија од Театар Штип. Премиерата на претставата во режија на Никола Ристов е вечерва во 20 часот.

-Претставата ја истражува тенката граница меѓу трагедијата и апсурдот. Една случајност, една погрешна одлука и група ликови кои очајно се обидуваат да ја сокријат вистината. Но вината има свој вкус и не исчезнува лесно-соопштија од Театар Штип.

„Сладолед за жени” не е класичен криминален трилер. Преку остар хумор, брзи дијалози и напната атмосфера, режисерот не тера да се смееме на ситуации кои всушност не се за смеа. Токму во тоа лежи силата на претставата да не соочи со нашите стравови и слабости, а потоа да не остави да размислиме.

Во претставата играат: Анѓелка Нашкова како Деби, Елена Шорова Дербов како Моли и Марија Минчева Андонов како Ники. 

-Првата реприза на претставата е предвидена за 17 јули. „Сладолед за жени” е претстава за сите кои сакаат театар што боцка, насмевнува и не остава рамнодушност- велат од Театар Штип.