Белгиската полиција ќе го зголеми бројот на службеници на сите гранични контролни пунктови на аеродромот во Брисел

Белгиската полиција ќе работи со максимален број службеници на сите гранични контролни пунктови на аеродромот во Брисел во текот на летнава сезона, соопшти министерот за внатрешни работи Бернар Кантин.

Мерката има за цел да ги намали долгите чекања на граничните контроли, кои во последните години често достигнуваа меѓу три и четири часа.

Аеродромот моментално има 10 контролни пунктови за патници што заминуваат и 12 за патници што пристигнуваат. Според Кантин, федералната полиција ќе ги работи со „максимален капацитет“ во текот на летото, особено во шпицот.

– Илјадници патници пристигнуваат на граничните контролни пунктови истовремено, што претставува сериозен товар врз системот – истакна Кантин.

Тој исто така потсети дека претходно најавил програма за обука и регрутирање од големи размери за надминување на недостигот на персонал. Во моментов, 60 специјализирани службеници се на обука, која се очекува да биде завршена до крајот на годината.